எமது கதவு எம் மக்களுக்கு என்றும் திறந்தே இருக்கிறது

கனடா வாழ் தமிழ் மக்களுக்கு வணக்கம். மக்கள் வாழ்வில் ஒரு முக்கியமான பொழுதுபோக்கின் அங்கமான சினிமாவின் கதவாக நாம் நீண்டகாலம் உங்கள் மத்தியில் பணியாற்றி வருவதை நீங்கள் அறிவீர்கள். அதேவேளை தென்னாசிய மக்களின் பிரதான சினிமா தளமாகவும் நாம் இயங்குவதில் பெருமையே. தரமான சினிமாக்களை மக்கள் விரும்புகின்ற சினிமாக்களை முன்கூட்டியே தயாரிப்பாளர்களிடம் இருந்து வாங்கி உங்கள் பார்வைக்கு அவற்றை தாங்கி வருவதில் தொடர்ந்தும் அயராது உழைத்து வருகின்றோம். இதில் பல வேளைகளில் இழப்புக்களையும் சந்தித்துள்ளோம். அவ்வாறே காலா திரைப்படம் விநியோகத்திற்காக வந்தபோது முன்கூட்டியே பேசி அதற்கான பணத்தையும் வழங்கி அதற்கான கனடிய உரிமத்தையும் உறுதி செய்திருந்தோம். இந்நிலையிலேயே திரு ரஜினிகாந்த் தெரிவித்த சில சர்ச்சைக்குரிய அரசியல் கருத்துக்களால் வருத்தமடைந்த உறவுகள் அவருக்கு எதிரான தமது எதிர்ப்பை வெளியிட இப்படத்தை மையப்படுத்தி சில முயற்சிகளை மேற்கொண்டு வருகின்றனர். உங்கள் இவ்வாறான எதிர்ப்பு சம்பந்தப்பட்டவரை பாதிக்காது. ஏனெனில் அவர் இப்படத்திற்காக தனது ஊதியத்தை பெற்றுச் சென்றுவிட்டார். தயாரிப்பாளரும் அதற்கான பணத்தை பெற்றுவிட்டார். மக்களுக்காக இப்படத்தை பணம் கொடுத்து வாங்ஙிய நாம் மட்டுமே பாதிப்பிற்குள்ளாவோம். பாதிப்பு சம்மந்தப்பட்டவரை சென்றடையாது என்ற காரணத்தினால் தான் தமிழகத்தில் இவ்வாறான முயற்சியில் யாரும் இறங்கவில்லை. அதேவேளை எமது திரையரங்கிற்கு வந்து சிலர் எதிர்ப்பு தெரிவிக்க விரும்புவதாக அறிகிறோம். அது கூட திரு ரஜினிகாந்த்துக்கு எதிரானதாக பார்க்கப்படாது மாறாக தமிழ் வர்த்தகம் ஒன்றிற்கு எதிராக தமிழர் சிலரின் எதிர்ப்பாகவே வெளிப்படும். ஏனெனில் எமது திரையரங்கில் தென்னாசிய மொழிகளில் ஏனைய படங்களும் சம காலத்தில் திரையிடப்படுவதை நீங்கள் அறிவீர்கள். இரண்டாவது பல்லின மக்களின் அங்காடிகளைக் கொண்ட ஒரு வணிகத்தொடரில் வெளியிடப்படும் எதிர்ப்பு தமிழ்இனம் சார்ந்த தவறான புரிதலையே ஏற்ப்படுத்தும். இருக்க எம் மக்கள் விடயத்தில் பல வழிகளில் நாம் என்றும் பொறுப்புணர்வுடன் தொடர்ச்சியாக செயலாற்றி வந்திருக்கின்றோம் என்பதையும் தமிழ் மக்கள் நன்கறிவார்கள். இது எமது கடமை என்றே செயலாற்றி வருகின்றோம். அதற்காக நாம் என்றும் விளம்பரம் தேடியதேயில்லை. இனிமேலும் அவ்வாறே. எம்கதவுகள் என்றும் உங்களுக்காக திறந்தேயிருக்கும்.

நிர்வாகம் - யோர்க், வூட் சைட் மற்றும் அல்பியன் சினிமா

Get Access to Great Deals!

Parking!

Feedback!